القهوة عند الشعراء

تقهو واسمع وش يقول الامير راكان بن فلاح ال حثلين


يامحلا الفنجال مع سيحة البال
في مجلساً مافيه نفساً ثقيلـه

هذا ولدعمً وهـذا ولـد خـال
وهذا رفيقـاً مالقينـا مثيلـه

******************

ويقول الشاعر محمد بن عبدالعزيز القحطاني وهو يوصي ابنه


يابو محمد شب واقضب مكاني
في غيبتي قهو الرجال المشاكيل

وفل الحجاج لكل من جاك عاني
وابدا التحيه قبل سوق الفناجيل

***********************

ويقول شاعر من قبيلة مطير واسمه شليويح وهو يوصي ابنه نمر


امل الوجار وخلو الباب مفتوح
خوف المسير يستحي ماينادي

يانمر مافي صكة الباب مصلوح
ولاهي لهلكم يامظنـة فـؤادي

*********************

ويقول خلف بن هذال شاعر عتيبه


سوولي الكيف وارهو لي من الدله
البن الأشقر يداوي الراس فنجالـه

كيف لنا نحرقـه بالنـار وانزلـه
واليا انقطع لو ورى صنعاء عنيناله

*********************

ويقول الشاعر ابن خشم الذيب العجمي


اشرب الفنجال واكب البيالـه
طيباً واحب سلـم الطيبينـي

الولد ان طاب طيبه من خواله
وان تردا فاعرف انهم خايبيني

**************************

ويقول الشاعر دغيم الظلماوي من قبيلة شمر


ياكليب شب النار ياكليب شبه
عليك شبه والحطب لك ايجابي

وعلي انا ياكليب هيله وحبـه
وعليك تقليط الدلال النجابـي

*************************

ويقول الامير راكان بن فلاح ال حثلين اثناء اسره
في تركيا (يصف حالته)

يابوهلا صرنا سوات الدراويش
والكل منا خبزته فـي يمينـه

لا عاد به دله ولا عاد به عيش
ولا عاد به فطحة خروفاً سمينه

*************************

ويقول الشاعر الامير محمد بن احمد السديري

يابجاد شب النـار وادن الدلالـي
واحمس لنا يابجاد ما يقعد الراس

************************

ويقول احد الشعراء


الدله اللي ماتبهر من الهيـل
مثل العجوز اللي خبيثاً نسمها

*************************

ويقول الشاعر ناصر بن عبدالكريم من اهل سدير

خمسة عشر فنجال لحنيف صبيت
لو ان بطنـه قربـةً قـد ملاهـا

فرد عليه الشاعر حنيف بن سعيدان المطيري وقال :


لا تحسبني من دلالـك تقهويـت
قللت في طبخهـا وكثـرت ماهـا

ياموصي الحرمه على صكت البيت
تقول منتـه فيـه وانتـه وراهـا

***********************

وفي الختام اترككم في رعايه الله واسمعكم من ابياتي اللتي قلت فيها عن القهوه واقول فيها

انا شفي منا روحي اشـب النـار بالخلـوه
وازيد البن من هيله واكيـف بدلـةً صفـرا

على وجاراً تقيد النار لجل الـراس والقهـوه
واهيم بصفوة اشعاري غزل في عشقتي العذرا



تحياااااتي
منقول

يااااسلاااااامــ
صح الله لساانهـــم
وتسلمييييين سعيده

تسلمين ازهيه ع الرد

صح الله بدنج <<< بدالهم

هع هع هع تسلمين حبيبتي و صح الله لسانهم و الساانج ثاانكس